25 مارچ ، 2015 
وزیراعظم کراچی پہنچ گئے،گورنر اور وزیراعلیٰ نے استقبال کیا
25 مارچ ، 2015
کراچی ......وزیراعظم نوازشریف ایک روزہ دورے پر کراچی پہنچ گئے ہیں۔گورنر سندھ ڈاکٹر عشرت العباد اور وزیراعلیٰ قائم علی شاہ نے وزیراعظم کا استقبال کیا۔وزیراعظم کوڈی جی رینجرز سندھ میجرجنرل بلال اکبر پی اے ایف فیصل بیس پر ہی کراچی آپریشن سے متعلق بریفنگ دینگے اور آپریشن کے دوران ملنے والی کامیابیوں کے بارے میںآگاہ کرینگے۔وزیراعظم دورے کے دوران ایپکس کمیٹی کے اجلاس کی صدارت کرینگے۔اس دوران وہ اسٹاک ایکسچینج میں نمایاں کمپنیوں کو ایوارڈ دینے کی تقریب میں بھی شرکت کرینگے اور کے الیکٹرک کے حوالے سے مختلف امور پر بات کرینگے۔وزیراعظم دورہ کراچی میں دہشت گردوں اور جرائم پیشہ عناصر کے خلاف کارروائی اور قومی ایکشن پلان پر عمل درآمد کا جائزہ لینگے۔انہوں نے گزشتہ روز مختلف وفود سے ملاقات میں کہاتھاکہ دہشتگردوں کو مذہب، فرقے یا سیاست کی پناہ نہیں لینے دیں گے، کراچی میں صورتحال بہتر ہورہی ہے ، کراچی آپریشن میں اچھی کارکردگی دکھانے والوں کو شاباش دیں گے ۔
مزید خبریں :
