05 اپریل ، 2015 
پی آئی اے کا طیارہ یمن سے پاکستانیوں کو لیکر اسلام آباد پہنچ گیا
05 اپریل ، 2015
سلام آباد.......پی آئی اے کا طیارہ یمن سے پاکستانیوں کو لیکر بے نظیر بھٹو انٹر نیشنل ایر پورٹ اسلام آباد پہنچ گیا ہے۔ جیو نیوز کے نمایندےزرغون شاہ کےمطابق پی کے 7006 میں 134پاکستانی،2کینیڈین اور2سوڈانی شہری سوارتھے۔وفاقی وزیرعبدالقادربلوچ سمیت،دفترخارجہ اوراوپی ایف کےحکام ایئرپورٹ پرموجود تھے۔یمن سے آئے پاکستانیوں کے چہرے پر مسکراہٹ اور خوشیاں تھیں۔مسافروں نے گفتگو کرتے ہوئے بتایا کہ یمن میں ہم جس جگہ تھےوہاں پانی بجلی خوراک سب میسر ہے،تاہم وہاں کے حالات مخدوش ہیں، ہمیں امیدتھی کہ ہم جلد اپنے پیارے وطن پہنچ جائیں گے ۔مسافروں نے مزید بتایا کہ وہاں پربمباری کی آوازیں سنائی دیتی تھیں۔اس موقع پر وفاقی وزیر جنرل عبدالقادر بلوچ نے کہا کہ وہ اپنے پاکستانی بھائیوں اور بہنوں کو خوش آمدید کہتے ہیں،انھوں نے وار زون سے مسافروں کو بہادری واپس لانے پر پی آئی اے اور سول ایوی ایشن حکام کی تعریف کی۔
مزید خبریں :
