14 اپریل ، 2015 
گلگت بلتستان کو ملک کے دیگر حصوں کے برابرلائیں گے،وزیراعظم
14 اپریل ، 2015
گلگت .......وزیراعظم میاں نوازشریف نے کہا ہے کہ گلگت بلتستان کو ملک کے دیگر حصوں کے برابرلائیں گے۔کرپشن کسی صورت برداشت نہیں کی جائیگی ۔گلگت میں ایک روزہ دورہ کے موقع پر گلگت بلتستان کونسل کے اجلاس سے خطاب کرتے ہوئے میاں نوازشریف کا کہنا تھا کہ کسی بھی معاملے میں کرپشن اوربدعنوانی ناقابل برداشت ہوگی ۔حکومت اپنی پالیسیوں کی مدد سے گلگت بلتستان کو ملک کے دیگر حصوں کے برابر لاناچاہی ہے۔تمام اخراجات شفاف انداز میں کئے جائیں ۔ اجلاس میں گورنر برجیس طاہر نے اجلاس کو ترقیاتی منصوبوں سے متعلق بریفنگ دی ۔انہوں نے بتایا کہ عوام 47ارب روپے کے ترقیاتی منصوبوں پر حکومت کے شکرگذارہیں۔انہوں نے بتایا کہ شاہراہ قراقرم کی سیکورٹی کے لئے خصوصی فورس تشکیل دی جارہی ہے۔انہوں نے اجلاس میں بتایا کہ جنگلا کے تحفط کے لئے 30سالہ پالیسی تشکیل دی جارہی ہے۔ گلگت بلتستان کونسل کے اجلاس میں گلگت بلتستان تحفظ پاکستان بل 2015اورآئندہ مالی سال 2014/15کے بجٹ کی بھی منظوری دی گئی۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
7 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
7 گھنٹے پہلے
