26 اپریل ، 2015 
پشاور میں تیزآندھی اور بارش ،10افراد ہلاک،60زخمی
26 اپریل ، 2015
پشاور......پشاور شہر میں تیز آندھی اور موسلا دھار بارش کے نتیجے میں کئی گھروں کی دیواریں گر گئیں،جبکہ فتو عبدالرحیمہ میں آندھی سے کئی کچے مکانات کی چھتیں اڑ گئیں۔ ذرائع لیڈی ریڈنگ اسپتال کے مطابق بارش سے مختلف حادثات میں10افراد جاں بحق اور60 زخمی ہوگئے ہیں،دوسری جانب نوشہرہ میں اکبر پورہ اور گردونواح میںآندھی اور بارش کے نتیجے میں متعدد کچےمکانات کی دیواریں گر گئیں۔ ذرائع کے مطابق چھتوں اور دیواروں کی زد میں آکر بچوں سمیت متعدد افراد زخمی ہوئے ہیں۔شب قدرکے علاقے غریب آبادمیںبارش کےباعث مکان کی چھت گرگئی،اسپتال ذرائع کے مطابق چھت گرنے سےمیاں بیوی جاں بحق ہوئے ہیں،اسکے علاوہ چھتیں گرنےکےواقعات چارسدہ روڈ،بدھو ثمر باغ اور بڈھنی میں بھی پیش آئے ہیں،ریسکیو ذرائع کے مطابق زخمیوں کو لیڈی ریڈنگ اسپتال منتقل کر دیا گیا ہے۔ادھر محکمہ موسمیات کے مطابق ملاکنڈ،ہزارہ ،پشاور میں آیندہ 24 گھنٹوں میں مزید آندھی اور تیز بارش کا امکان ہے۔
مزید خبریں :
