پشاور...... پشاور شہر میںاتوار کی شام تیز آندھی اور موسلا دھار بارش سے ہونے والی تباہیکے نتیجے میں 25 افراد جاں بحق ہوگئے ہیں،زیادہ تر اموات شہر کے مضافاتی علاقوں میں طوفانی ہوائوںاور تیز جھکڑ چلنے سے چھتیں اڑنے سے ہوئیں،جبکہ شہریوں نے اس موقع پر اپنی مدد آپ کے تحت زخمی اور ہلاک ہونے والوں کو اسپتال پہنچایا ۔ادھر صوبائی وزیر ضیااللہ آفریدی کا کہنا ہے کہ زخمیوں کی تعداد 150تک پہنچ چکی ہے،انھوںنے بتایا کہ زیادہ حادثات مضافاتی علاقوں میں پیش آئے،صوبائی وزیر نےکہا کہ شہر کےتینوں بڑےسرکاری اسپتالوں میں ایمرجنسی نافذ کردی گئی ہے،جبکہ دوسری طرف کمشنر پشاور ڈویژن نےنقصانات کا اندازہ لگانےکیلیےریونیوعملہ کومتاثرہ علاقوں میں پہنچنے کی ہدایت کی ہے۔شہریوں کے مطابق تیز آندھی اور موسلا دھار بارش کے نتیجے میں کئی گھروں کی دیواریں گر گئیں،زیادہ تر ہلاک اور زخمی ہونے والوں کو لیڈی ریڈنگ اسپتال پہنچایا گیا۔ادھر محکمہ موسمیات کے مطابق ملاکنڈ،ہزارہ ،پشاور میں آیندہ 24 گھنٹوں میں مزید آندھی اور تیز بارش کا امکان ہے۔