کراچی......ایم کیو ایم لیبر ڈویژن کے زیر اہتمام عالمی یو م مزدور پر ملک بھر کے غریب محنت کشوں اور مزدوروں کو خراج تحسین پیش کرنے کیلئے لال قلعہ گراؤنڈ عزیز آباد میں پر وقار مزدور سیمینار منعقد کیا گیا ۔مزدور سیمینار میں ایم کیوا یم کی رابطہ کمیٹی کے رکن ڈاکٹر خالد مقبول صدیقی،تجزیہ نگار مقتدیٰ منصور ، ایم کیو ایم لیبر ڈویژن کے انچارج کاظم رضا ، جوائنٹ انچارجز ذواہر حسین اراکین مرکزی کابینہ سمیت مختلف سرکاری و نجی اداوں کی یونینز کے ذمہ داران نے سیمنار میں شرکت۔سیمینار سے خطاب کرتے ہوئے ڈاکٹر خالد مقبول صدیقی نے کہا کہ آج دنیا کے ترقی یافتہ معاشروں میں مزدوروں کی اہمیت و قدر دیکھ کر معلوم ہوتا ہے کہ وہاں شہیدوں کے خون کی قدر کی جاتی ہے،یکم مئی کے شہداء کا خون رنگ لے آیا، جاگیر دارانہ نظام جمہوریت کی ضد ہوتا ہے اور ہمارے ملک میں جاگیردارانہ نظام رائج ہے ،تعلیم ،روزگار اور انصاف فراہم نہیں کیا جاسکتا اور آج ملک کے ایوانوں میں یہ حال ہوگیا ہے کہ کسان کی عزت ، زندگی ، اسکی اولاد کے مستقبل کا فیصلہ اس کے لئے قانون سازی ،جاگیردار اور مزدوروں کی ترجمانی سرمایہ دار کر رہاہے ۔انہوں نے کہا کہ الطا ف حسین نے ملک کے مزدوروں کو ملک کے اعلیٰ ایوانوں میں بٹھایا اور انہیں عزت و توقیر کا رتبہ فراہم کیا ، آزادی کے بعد ملک پر قابض ہونیوالے حکمرانوں اوراسٹیبلشمنٹ نے ابتداء سے ہی بنگالیوں کوخطرہ اور مہاجروںکے معیار کو اپنے لئے خطرہ محسوس کیا ۔ انہوں نے سب سے پہلے سیاسی کھیل کھیل کر بنگالیوں کو پاکستان سے علیحدہ کیا ، اگر یہی حکمران ملک پر قابض رہے تو مزدوروں کے حالات میں کبھی بہتری نہیں آئے گی، الطاف حسین بانیان پاکستان کی اولادوں کو پہچان دلانے کی جدوجہد کا آغاز کیا تھا اور آج بانیان پاکستان کی اولادوں کو انکی شناخت مل گئی ہے۔انہوں نے کہا کہ ملک کے اعلیٰ ایوانوں میں غریب ،مڈل کلاس کے تعلیم یافتہ لوگوں کو بھیج کر پاکستان کی تقدیر کو بدلا جاسکتا ہے بنا یا جاسکتا ہے۔مقتدیٰ منصور نے کہا کہ الطاف حسین مڈل کلاس کے لوگوں کو متحد کرکے انہیں اپنے حقوق کی جدوجہد کرنےکیلئے آمادہ کیا جس پر الطاف حسین کو سلام تحسین پیش کرتا ہوں ۔انہوں نے کہا کہ مزدوروں کی جدوجہد کے نتیجے میں دنیا کہ مختلف حصوں میں محنت کشوں کو انکے حقوق مل گئے۔اس موقع پرانچارج لیبر ڈویژن کاظم رضا نے کہا کہ آج کے دن مزدوروں کو خراج تحسین پیش کرنے کیلئے یکم مئی کو دنیا بھر میں پروگرامز اور مظاہروں کا انعقاد کرتی ہیں ۔انہوں نے کہا کہ دنیا بھر میں مزدوروں کو انکے حقوق دئیے جاتے ہیں لیکن بد قسمتی سے پاکستان میں مزدوروں پر 2فیصد جاگیرداروں کا قبضہ ہے، مزدوروںکے اہل خانہ کیلئے علاج معالجہ کی اعلیٰ سہولیات کا فراہم نہیں کی جاتیں ،مزدوروں کے بچوں کو تعلیم کے بہتر واقعہ نہیں دئیے جاتے اور ملک میں مزدوروں کے ساتھ اسی نا انصافی و ظلم کے خاتمے کیلئے الطاف حسین نے ایم کیوا یم لیبر ڈویژن قائم کی جو آگ بھی ملک کے مختلف اداروں میں مزدورو ںکے حقوق کیلئے شب و روز محنت سے جدوجہد کر رہی ہے اور مزدوروں کے خلاف ہر قسم کی نا انصافیوں کو ختم کرنے کیلئے ایم کیوا یم لیبر ڈویژن کا ہر ذمہ دار الطاف حسین کے فکر و فلسفے پر چلتے ہوئے پر عزم ہے ۔