پاکستان
25 مئی ، 2015
25 مئی ، 2015 
ملتان میں دو روز کے دوران 2 نجی اسکولوں کی چھتیں گر گئی
25 مئی ، 2015
ملتان .....ملتان میں دو روز کے دوران 2 نجی اسکولوں کی چھتیں گر گئی ۔ آج اسکول کی چھت گرنے کے واقعہ میں 15 بچے ٹیچر کی سمجھداری کے باعث معمولی زخمی ہوئے ۔ ملتان کے علاقہ شریف پورہ میں ایک نجی اسکول میں پلے گروپ کی چھت گر گئی ، چھت کچی اور خستہ حال تھی ۔ کلاس ٹیچر نے چھت گرتے دیکھ کر بچوں کو فورا کلاس سے باہر نکال دیا جس کے باعث 15 بچے معمولی زخمی ہوئے ۔ زخمی بچوں کو ریسکیو نے موقع پر طبی امداد دے کر فارغ کر دیا ۔ دوسری جانب یہ ملتان میں دو روز میں اسکول کی چھت گرنے کا دوسرا واقعہ ہے ۔ اس سے قبل ملتان کے علی والا کے ایک نجی اسکول کی چھت گرنے کے واقعہ میں ٹیچر سمیت 39 بچے زخمی ہوئے تھے۔
