25 جون ، 2025 
ملک کے مختلف شہروں میں آندھی اور بارش کا امکان، این ڈی ایم اے نے الرٹ جاری کردیا
25 جون ، 2025
اسلام آباد: ملک کے مختلف شہروں میں 12سے24 گھنٹوں کے دوران آندھی اور بارش کا امکان ہے، اس سلسلے میں این ڈی ایم اے نے الرٹ بھی جاری کردیا ہے۔
این ڈی ایم اے کے مطابق 12سے24 گھنٹوں کے دوران اسلام آباد اور راولپنڈی میں تیز ہوا اور موسلادھاربارش کا امکان ہے۔
این ڈی ایم اےکے مطابق مظفرآباد، باغ، راولاکوٹ، ہٹیاں بالا، میرپور اور نیلم ویلی میں آندھی اور بارش متوقع ہے۔کراچی، حیدرآباد، سکھر، لاڑکانہ، جیکب آباد، ٹھٹہ، بدین، تھر پارکر، میرپورخاص، سوات، دیر، پشاور، مالاکنڈ، ایبٹ آباد، نوشہرہ، چارسدہ، مانسہرہ میں بھی آندھی اور بارش کا امکان ہے۔
لاہور، ملتان، فیصل آباد اور سیالکوٹ میں بھی آندھی، طوفان اور گرج چمک کے ساتھ بارش متوقع ہے۔
این ڈی ایم اے کا کہنا ہےکہ کشمیر اور خیبرپختونخوا کے پہاڑی علاقوں میں بارشوں کے باعث لینڈ سلائیڈنگ کا امکان ہے۔
