11 مئی ، 2012 
بلوچستان کیس، آئی جی ایف سی کے نہ آنے پر سپریم کورٹ برہم
11 مئی ، 2012
اسلام آباد… چیف جسٹس افتخارمحمودچودھری کی سربراہی میں تین رکنی بنچ نے بلوچستان کے لاپتا افراد کے مقدمہ کی سماعت کی۔ عدالت نے آئی جی ایف سی کے نہ آنے پر برہمی کا اظہارکرتے ہوئے انہیں آج ہی طلب کرلیا۔ چیف جسٹس نے ریمارکس میں کہاکہ آئی جی چاہیں نہ آئیں لیکن تین مطلوبہ لاپتا افراد عدالت میں پیش کردیں، ایف سی نے لوگ اٹھانا شروع کردئے ہیں تو بڑی بدنامیہوگی، ایف سی کیخلاف تو ثبوت ہیں، آئی جی پیش نہ ہوئے تو آرڈر پاس کردیں گے۔ بلوچستان پولیس کے ڈی آئی جی حامدشکیل نے عدالت کو بتایاکہ تینوں لاپتا افراد کو ایف سی کی گاڑی میں بٹھائے جانے سے متعلق ایک نجی ہوٹل کی سی سی ٹی وی فوٹیج موجود ہے، عدالت فوٹیج بھی طلب کرلی، سماعت میں وقفہ کردیا گیا۔دوران سماعت چیف جسٹس نے زیرسماعت معاملے میں وفاقی حکومت پر بھی تنقید کی اور کہاکہ وہ بلوچستان کے معاملات میں دلچسپی نہیں لے رہی، اس مقدمہ میں وفاقی حکومت کی طرف سے کوئی پیش نہیں ہورہا۔
