پاکستان
27 جون ، 2015
27 جون ، 2015 
پشاور:محلہ حسینیہ میں فائرنگ سے زخمی چوتھی خاتون بھی دم توڑگئی
27 جون ، 2015
پشاور ......پشاور کے علاقے محلہ حسینیہ میں فائرنگ سے زخمی چوتھی خاتون بھی دم توڑگئی۔ پولیس کے مطابق جاں بحق ہونے والی خواتین بہنیں تھیں،فائرنگ کا واقعہ ذاتی دشمنی کا نتیجہ ہے۔تفصیلات کے مطابق پشاور کے علاقے محلہ حسینیہ ہشت نگری میںپڑوسیوں کےدرمیان تلخ کلامی ہوئی جس کے دوران فائرنگ سے 5خواتین زخمی ہوگئیں۔ زخمی خواتین کو لیڈی ریڈنگ اسپتال منتقل کیا گیا جہاں دوران علاج زخموں کی تاب نہ لاتے ہوئے پہلے تین خواتین دم توڑ گئیں بعد میں چوتھی خاتون بھی چل بسی جبکہ ان کی ایک بہن شدید زخمی حالت میں زیر علاج ہے۔
