21 اگست ، 2015 
بھارت نے پاکستان کے ساتھ مذاکرات منسوخ کردیئے
21 اگست ، 2015
نئی دلی........ بھارت نے پاکستان کے ساتھ مذاکرات منسوخ کردیئے۔ مودی سرکار ایک بار پھر مذاکرات سے فرار ہوگئی، بھارت نےپاکستان کےساتھ طے شدہ مذاکرات منسوخ کردیے۔ بھارت نے الزام لگایا ہے کہ پاکستان طے شدہ ایجنڈے کی خلاف ورزی کررہا ہے۔ واضح رہے کہ پاکستان اور بھارت کے قومی سلامتی کے مشیروں کے درمیان دو روزہ مذاکرات 23 اگست سے شروع ہورہے تھے اور بھارت نے پاکستان کو اپنی من پسند شرائط پیش کرنا شروع کردی تھیں۔ بھارت کا پاکستان سے مطالبہ تھا کہ مشیر خارجہ سرتاج عزیز کل جماعتی حریت کانفرنس کے رہنمائوں سے ملاقات نہ کریں، جبکہ پاکستان کی جانب سے بھارت کا یہ مطالبہ مسترد کردیا گیا تھا۔ یاد رہے کہ پاکستانی ہائی کمیشن نے حریت رہنمائوں کو سرتاج عزیز سے ملاقات کے لئے دعوت نامے ارسال کردئیے تھے، یہ ملاقات 23 اور 24 اگست کو نئی دلی پاکستان ہائی کمیشن میں طے تھی۔ بھارتی میڈیا کے مطابق پاکستان کے ساتھ مذاکرات منسوخ کرنے کی سرکاری طور پر تصدیق نہیں کی گئی ہے۔
مزید خبریں :
