23 اگست ، 2015 
کراچی: مختلف علاقوں میں پولیس آپریشن میں 7ملزمان گرفتار، 35زیر حراست
23 اگست ، 2015
کراچی.........کراچی کے مختلف علاقوں میں پولیس کی کارروائیوں میں 7ملزمان گرفتار اور 35افراد کو زیرحراست میں لے لیا گیا ہے۔ پولیس کے مطابق کراچی کے علاقے لائٹ ہاوس کی چپل گلی میں پولیس کی جانب سے سرچ آپریشن کیا گیا، سرچ آپریشن کے دوران20 سے زائد مشتبہ افراد کو حراست کو لے کے نامعلوم مقام پر منتقل کردیا گیا ہے۔ پولیس نے مزید بتایا کہ زیرحراست افراد سے تفتیش کی جاری ہے۔ ادھر اسٹیڈیم روڈ پر واقع ڈالمیا میں بھی پولیس کی جانب سے سرچ آپریشن عمل میں آیا، جس کے دوران گھر گھر تلاشی بھی لی گئی ہے۔ آپریشن میں 5اشتہاری ملزمان گرفتار کیے گئے، جبکہ گرفتار ملزمان سے اسلحہ بھی برآمد ہوا ہے۔ پولیس کے مطابق سرچ آپریشن کے دوران 15مشتبہ افراد کو زیر حراست لے لیا گیا اور ان 15افراد سے مزید تفتیش کی جارہی ہے۔
مزید خبریں :
