27 اکتوبر ، 2015 
داعش نے تدمر میں تین افراد کو بارودکے دھماکے سے اڑا دیا
27 اکتوبر ، 2015
بیروت.......شدت پسند گروپ دولت اسلامی داعش نے شام کے تاریخی شہر تدمر میں تین افراد کو تاریخی عمارتوں کے ستونوں کے ساتھ باندھ کر بارودکے دھماکے سے اڑا دیا۔
انسانی حقوق کی تنظیم آبزورویٹری کی جانب سے جاری کردہ ایک بیان میں بتایا گیا ہے کہ داعش کے جنگجوئوں نے حال ہی میں تین یرغمالیوں کو تدمر شہر کی تاریخی عمارتوں کے ستونوں کے ساتھ بارود سمیت باندھا اور پھرانہیں دھماکے سے عمارتوں سمیت اڑا دیا۔
تدمر کے ایک مقامی سماجی کارکن خالد لحمصی نے غیرملکی میڈیا کو بتایا کہ ستونوں کے ساتھ تین افراد کو باندھ کر ہلاک کرنے کے وقت کسی مقامی شہری کو وہاں نہیں بلایا گیا۔ عموماً جنگجو مخالفین کو قتل کرتے وقت شہریوں کو خوف زدہ کرنے کے لیے لوگوں کو جمع کرکے مخالفین کو عبرت کا نشان بناتے ہیں۔
تاہم تدمرمیں مقامی شہریوں کو وہاں سے دور رہنے کا حکم دیا گیا تھا۔ستونوں کے ساتھ بارود سمیت باندھ کر مخالفین کو ہلاک کرنے کا داعش کا طریقہ واردات پہلی بار دیکھا گیا ہے۔
مزید خبریں :
کانگو: کشتی میں آگ لگنے سے ہلاک افراد کی تعداد 148 ہوگئی
19 اپریل ، 2025
امریکا میں 1500 طلبا کے ویزے منسوخ، وجہ بھی سامنے آگئی
19 اپریل ، 2025
امریکا کا یوکرین امن معاہدے سے پیچھے ہٹنے کا عندیہ
18 اپریل ، 2025
ویڈیو: خرگوش کے انجن میں گھسنے سے اُڑتے طیارے میں آگ لگ گئی
18 اپریل ، 2025
