شارجہ.......شارجہ ٹیسٹ کے چوتھے روز پاکستان کی بیٹنگ جاری ہے،پاکستان نے 146رنز 3کھلاڑی آئوٹ پر اپنی دوسری اننگزشروع کی۔

شارجہ کرکٹ اسٹیڈیم میں کھیلے جارہے ٹیسٹ میں گذشتہ روز محمد حفیظ نے فائٹنگ97نا قابل شکست رنز بناکر شارجہ ٹیسٹ میں پاکستان کو انگلینڈ کے خلاف مکمل تباہی سے بچایا، وہ انگلش حملوں کے خلاف ڈھال بنے رہے ،تاہم انگلش بولروں نے تیسرے دن کے آخری سیشن میں پاکستان کے تین بیٹسمینوں کو آئوٹ کر کے میچ پر گرفت مضبوط کر لی ہے۔

انگلش ٹیم پاکستان کے پہلی اننگز کے اسکور 234رنزکے جواب میں 306رنز بناکر آئوٹ ہوگئی تھی ، یوں اس نے پہلی اننگز میں 72رنز کی برتری حاصل کرلی تھی، پاکستانی ٹیم کو ممکنہ شکست سے بچنے کے لیے ایک بڑے اسکور کی ضرورت ہے۔

محمد حفیظ اور اظہر علی نے پاکستان کو دوسری اننگز میں 101رنز کا اوپننگ اسٹینڈ دیا۔پھر45رنز کے اضافے میں پاکستان کے تین وکٹ گر گئے۔اظہر علی 34، شعیب ملک صفر اور یونس خان 14رنزبناکر آئوٹ ہوئے۔ تیسرے روز کھیل کے اختتام پر پاکستان نے تین وکٹوں کے نقصان پر 146رنز بنائے تھےاور پاکستان کی برتری 74رنز ہوگئی تھی۔

تین میچوں پر مشتمل سیریز میں پاکستان کو ایک۔صفر کی برتری حاصل ہے، ابوظبی ٹیسٹ میں پاکستان نے انگلینڈ کو 178رنز سے شکست دی تھی۔