11 نومبر ، 2015 
شامی فوج نے حلب کا ہوائی اڈہ داعش سے آزاد کرا لیا
11 نومبر ، 2015
دمشق........شام کی سرکاری فوج نے شمالی صوبے حلب کی ایک بڑے فوجی ائر بیس کو داعش کے جنگجوئوں کے تسلط سے آزاد کرا لیا ہے۔
داعش نے تقریباً ایک سال سے ائر بیس کا محاصرہ کر رکھا تھا۔غیر ملکی میڈیا کے مطابق شامی فوجیوں کا ایک گروپ خوریز ہوائی اڈے کے مغربی علاقے میں مورچہ زن داعش کے جنگجوئوں کی صفوں کو چیرتا ہوا اندر داخل ہوا، جس کے بعد فوج بیس کے اندر داخل ہوئی۔
شامی فوجیوں نےاس فتح پر خوشی میں ہوائی فائرنگ کی۔ سرکاری ٹی وی نے ہوائی اڈے کے باہر سے اس کامیابی پر براہ راست نشریات پیش کیں اور اس پیش رفت کو بڑی فتح کے طور پر سراہا۔ لائیو کوریج کے دوران دعوی کیا گیا کہ اس کارروائی میں داعش کے متعدد دہشت گرد ہلاک ہوئے۔
یاد رہے کہ خوریز ہوائی اڈے پر پہلے بشار الاسد کے مخالف باغیوں کا قبضہ تھا لیکن 2014 کے موسم بہار سے داعش نے اسے اپنے زیر نگیں کر رکھا تھا۔ائر بیس کے گرد ونواح کے علاقوں میں داعش کے جنگجوئوں کی تاحال موجودگی کی اطلاعات ہیں۔
مزید خبریں :
کینیا میں شیر کے حملے میں 14 سالہ بچی ہلاک
11 گھنٹے پہلے
امریکا کا شام میں فوجیوں کی تعداد ایک ہزار سے کم کرنے کا اعلان
20 اپریل ، 2025
