21 نومبر ، 2015 
کراچی: پراناگولیمار میں جرائم پیشہ گروپوں میں تصادم ،5افرادہلاک
21 نومبر ، 2015
کراچی......کراچی کا علاقہ پرانا گولیمار منشیات فروشوں کے دو گروہوں کے درمیان تصادم کے نتیجے میں میدان جنگ بن گیا۔ دو طرفہ فائرنگ سے 5 افراد ہلاک اور ایک زخمی ہوگیا ۔ سر چ آپریشن کے دوران 50سے زائد افرادکو حراست میں لے لیا گیا۔
پاک کالونی تھانے کا علاقہ پرانا گولیمارمنشیات فروشوں کے دو گروہوں کے درمیان ہونے والے فائرنگ سے گونج اٹھا۔ فائرنگ کے نتیجے میں دو ملزمان موقع پر ہی ہلاک ہوگئے ۔ 4 زخمیوں کو اسپتال منتقل کیا گیا جہاں مزید 3افراد زخموں کی تاب نہ لاکر دم توڑ گئے ۔جاں بحق ہونے والوں کی شناخت وسیم ،معراج، محمد شاہد، انور حسین اور محمد فہیم کے نام سے ہوئی ہے۔
تصادم کے بعد پولیس اور رینجرز نے موقع پر پہنچ کر سرچ آپریشن شروع کیا ۔ پولیس نے منشیات کے عادی افراد کی بیٹھک آگ لگا کر تباہ کر دیا جبکہ سرچ آپریشن کے دوران پولیس نے 50سے زائد افراد کو حراست میں لے لیا جن سے مزید تفتیش کی جارہی ہے۔فائرنگ سے علاقے میں خوف و ہراس پھیل گیا تاہم اب صورتحال معمول کے مطابق ہے۔
مزید خبریں :
لاہور میں 18سال بعد گرم ترین دن، پارہ کتنا رہا؟
54 منٹ پہلے
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
