واشنگٹن........ امریکی صدر بارک اوباما نے بدھ کو دفاعی اخراجات کے بل پر دستخط کردئے ہیں جس کی رو سے بیرونی ملک خدمات انجام دینے والےسرغ رساں کتوں کے وطن واپس لوٹنے اور انھیں ترجیحی بنیاد پر دیکھ بھال کرنے والے مالکان فوجی افسران کے حوالے کرنے کی اجازت ہوگی۔

امریکی فوج کے ان کتوں کو اس وقت بیرون ملک خدمات کے دوران ہی ریٹائر کیا جاتا ہے، جس کے بعد ان کی حیثیت ایک ویلین کتے کی ہوجاتی ہے اور وہ فوجی ٹرانسپورٹ کے ذریعے امریکا واپس لوٹنے کے اہل نہیں رہتے۔

2016 کے نیشنل ڈیفنس اتھارایزیشن ایکٹ‘ میں یہ تبدیلی امریکن ہیومن ایسوسی ایشن کی حمایت سے مشروط ہے۔تنظیم کا کہنا ہے کہ ایک اندازے کے مطابق، ہر سراغ رساں کتا چھپے ہوئے ہتھیار اور دھماکہ خیز مواد کی نشاندہی کرکے کم ازکم 150 سے 200 مردوں اور عورتوں کی جان بچاتا ہے۔

بل کی رو سے،ان کتوں کو ریٹائرمنٹ سے قبل امریکی سرزمین پر واپس لانا پڑے گا، اور پھر اس کی دیکھ بھال کرنے والے سابق افسران کو یہ حق حاصل ہوگا کہ وہ اسے اپنا لیں۔

ہیومن ایسوسی ایشن کے مطابق، کام کرنے والے ان کتوں کو ان کی دیکھ بھال کرنے والے سابق افسران کے حوالے کرنے سے دونوں ہی کو فائدہ ہوگا۔ پرانے فوجی میدان جنگ کے ذہنی دباو¿ سے نکل سکیں گے اور شہری زندگی میں واپس لوٹ سکیں گے۔