کراچی …سلیم اللہ صدیقی…سال 2015کی زندگی اب صرف تین دن بچی ہے۔ سارے سال پر گہری نظر ڈالیں تو اس سال بہت سے ملکی ،غیر ملکی ادیب ،شاعر،دانشور، فنکار اور رہنماسدا کے لئے اس دنیا سے رخصت ہوگئے ۔ اب یہ شخصیات تاریخ کا حصہ ہوگئیں۔ آیئے ایک مرتبہ پھر ان شخصیات کے ناموں پر تفصیلی نظر ڈالتے چلیں جو اب ہمارے بیچ نہیں۔

نامور شاعراور ادیب
پیرزادہ عاشق کیرانوی( چودہ جنوری )،ادا جعفری(12مارچ) ، معروف شاعرہ شاہدہ تبسم(24جون )، ستائیس جون صوفی مزاج شاعر سید مبارک شاہ، چارجولائی بین الاقوامی شہرت یافتہ ناول نگار عبداللہ حسین ،سترہ نومبربچوں میں جاسوسی ادب کے بانی اشتیاق احمد، تئیس نومبرمتعدد لاوزوال ملی نغموں کے خالق اور معروف شاعر،دانشور اورکالم نویس جمیل الدین عالی، تین دسمبرشاعر مصنف مترجم اور صحافی قاضی اختر جونا گڑھی ،چھ دسمبراسٹیج فنکارہ ثوبیہ رانا ، سات دسمبر،اردو کے شاعر تشنہ بریلوی

فنکار
صدارتی ایوارڈ یافتہ کلاسیکل گائیک استاد غلام حسن شگن(تین فروری ) ، ٹی وی اوراسٹیج کی فنکارہ مہوش( 21مئی)، پرائڈ آف پرفارمنس سارنگی نواز استاد اللہ رکھا (اٹھائیس مئی)، اٹھارہ جولائی پنجابی فلم’ مولاجٹ ‘کے معروف ہدایت کار یونس بٹ، تیس جولائی نغمہ نگار سید احمد شاہ، یکم اگست کامیڈین کمپیئر فرید خان، 17دسمبرڈرامہ نویس،ہدایت کار اورمعروف فنکارکمال احمد رضوی۔

کچھ غیر ملکی فنکار
گیارہ جون ہالی ووڈ اداکار کرسٹوفر لی، دس جولائی،ہالی ووڈ ایکٹر عمر شریف، پندرہ نومبربھارتی اداکار سعید جعفری ۔

سیاستدان ،قانون داں ،صحافی و دیگر
8جنوری سماجی کارکن کالم نگار صحافی نجمہ صادق، 14جنوری، ننکانہ صاحب سے تعلق رکھنے والے مسلم لیگ ن کے حلقہ137کے ایم این اے رائے منصب علی خان کھرل ، چھبیس جنوری پاکستانی تاریخ کی پہلی خاتون وفاقی وزیر بیگم کلثوم سیف اللہ، یکم فروری عالمی مجلس تحفظ ختم نبوت کے امیر مرکزووفاق المدارس کے رہنما جید عالم دین شیخ الحدیث مولانا عبدالمجید لدھیانوی،تین فروری سابق چیف جسٹس پاکستان نسیم حسن شاہ، تئیس فروری سابق قائم مقام چیف جسٹس پاکستان رانا بھگوان داس ، پندرہ اپریل اے این پی کے رہنما سابق وفاقی وزیر سینیٹر اعظم خان ہوتی ،تئیس اپریل سینئر صحافی وسابق رکن سندھ اسمبلی عبدالقدوس ، ستائیس اپریل جمہوری وطن پارٹی کے سربراہ طلا ل اکبر بگٹی،تین مئی جئے سندھ محاز کے چیئرمین عبدالواحد آریسر ،چارمئی سابق آئی ایس آئی کے ڈائریکٹر جنرل میجر جنرل احتشام ضمیر۔

دس جولائی مجاہد اول کشمیر سردار عبدالقیوم، پندرہ اگست جنرل ریٹائرڈ حمید گل ،یکم ستمبرسن 73کے آئین کے تخلیق کار عبدالحفیظ پیرزادہ ،تین اکتوبرعلامہ اقبال کے صاحبزادے سپریم کورٹ کے سابق سینئر جج ڈاکٹر جاوید اقبال،چار اکتوبر۔سابق سینیٹر گلزار احمد، بارہ اکتوبرسپریم کورٹ کے سابق جج ریٹائرڈ چوہدری اعجاز، بارہ اکتوبرسینئر صحافی مترجم سلیم باسط، یکم نومبرعوامی نیشنل پارٹی کے بزرگ رہنما سابق وفاقی وزیر افضل خان لالہ ، گیارہ نومبرسیاچن محاز پر دشمن سے لڑتے ہوئے اپنے دونوں ہاتھ اور ٹانگیں وطن پر قربان کرنے والے لیفٹنٹ کرنل(ر) ظفر عباسی، بارہ نومبرنیشنل پارٹی کے مرکزی سیکریٹری جنرل ڈاکٹر یاسین بلوچ، اکیس نومبرپیپلزپارٹی پارلیمنٹرین کے صدر رکن قومی اسمبلی مخدوم امین فہیم ،
پانچ دسمبرسابق سفیر قطب الدین عزیز اور نو دسمبرپیپلزپارٹی کے سینئر رکن قاضی سلطان محمود۔

کھلاڑی اور دیگر شخصیات
یکم مئی پرائڈ آف پرفارمنس پاکستانی کوہ پیما رجب شاہ،دومئی ایشین باکسنگ چیمپئن شپ کے برانز میڈلسٹ شاہد جان ، اٹھارہ اگست پاکستان کے ایٹمی دھماکوں کے تاریخی نام یوم تکبیر رکھنے والے مشتاق احمد شیراز ، تین ستمبربرطانوی نژاد پاکستانی کوہ پیما بشریٰ فاروقی، سات اکتوبرسابق انٹر نیشنل کرکٹر لیفٹ آرم میڈیم پیسر لیفٹ ہینڈ بیٹسمین حسن جمیل ۔

غیر ملکی رہنما
تئیس جنوری سعودی فرماں رواں خادم الحرمین شریفین شاہ عبداللہ، تئیس مارچ سنگاپور کے بانی لی کو یوآن ، دس مئی ترکی کے سابق فوجی آمر کنعان اورن، پانچ جون عراق کے سابق نائب وزیراعظم طارق عزیز، سترہ جون ترکی کے سابق صدر سلیمان ڈیمرل ،چھبیس جون روس کے سابق وزیراعظم یق گینی پریما کوف ، نو جولائی سابق سعودی وزیرخارجہ شہزادہ سعود الفیصل۔دس نومبرسابق چانسلر مغربی جرمنی ہیلموٹ شمٹ۔