29 مئی ، 2012 
لاپتہ افراد کی تعداد میں اضافہ، غور کیلئے اعلیٰ سطح اجلاس آج ہوگا
29 مئی ، 2012
اسلام آباد… لا پتہ افراد کی تعداد میں روز بروز اضافہ کیوں ہو رہا ہے، مسئلے پر غور کیلئے وزیراعظم یوسف رضا گیلانی کی زیر صدارت اعلٰی سطح کا اجلاس آج ہوگا۔ جیو نیوز کے پروگرام ’کیپٹل ٹاک‘ میں اینکرپرسن حامد میر سے گفتگو میں وزیر اعظم نے اعتراف کیا تھا کہ لاپتہ افراد کی تعداد میں اضافہ ہو رہاہے اور مسئلے کو حل کرنے کیلئے منگل کو آرمی چیف سمیت وفاقی وزراء اور صوبائی حکومتوں کے نمائندوں کا اجلاس طلب کر لیا ہے۔ ترجمان وزیراعظم ہاوٴس کے مطابق وزیرقانون اوربلوچستان پر کابینہ کمیٹی کے چیرمین فاروق ایچ نائیک نے ملاقات کی اور منگل کو ہونے والے اعلٰی سطح اجلاس میں زیر بحث لائے جانے والے بلوچستان کے متعلق مختلف امور پر تبادلہ خیال کیا گیا۔ وزیراعظم کی زیر صدارت ہونے والے اس اعلٰی سطح کے اجلاس میں بلوچستان کی قیادت اور قانون نافذ کرنے والے اداروں کے نمائندے شرکت کریں گے۔ ملاقات کے دوران قانونی امور پر بھی تبادلہ خیال کیا گیا۔
مزید خبریں :
