03 جون ، 2012 
نیٹو فورسز نے 2 مغوی غیر ملکی خواتین کو بازیاب کرا لیا
03 جون ، 2012
کابل… نیٹو فورسز نے ہفتہ کی علیٰ الصبح افغانستان کے صوبہ بدخشاں کے پہاڑی علاقہ میں سنسی خیز آپریشن کے بعد دو مغوی غیر ملکی خواتین کو بازیاب کرا لیا۔ آپریشن کے دوران 5 اغواء کار ہلاک کر دیئے گئے۔ برطانوی وزیراعظم ڈیوڈ کیمرون نے آپریشن کو غیر معمولی جرأتمندانہ قرار دیتے ہوئے کہا ہے کہ خصوصی آپریشن برطانوی فوجیوں نے کیا، ان کی بہادری اور عزم کو خراج تحسین پیش کرتا ہوں۔ ڈیوڈ کیمرون نے مزید کہا کہ اغواء کاروں کو جاننا چاہئے کہ اگر وہ برطانوی شہریوں کو یرغمال بنائیں گے تو ہم ان کی رہائی کیلئے تاوان ہر گز ادا نہیں کرتے اور قیدیوں کا تبادلہ بھی نہیں کرتے۔ اغواء کاروں کو وحشت ناک انجام کی توقع رکھنی چاہئے۔ نیٹو ترجمان نے بتایا کہ اغواء کاروں نے 22 مئی کو سوئس چیئرٹی کیلئے کام کرنے والے دو برطانوی خواتین کو تاوان کیلئے اغواء کیا تھا جنہیں بدخشاں میں دور دراز کے پہاڑی علاقہ میں رکھا گیا تھا۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
