پاکستان
01 جون ، 2016
01 جون ، 2016 
وزیراعظم سے میری بات ہوئی ہے، مریم نواز
01 جون ، 2016
وزیراعظم نواز شریف کی بیٹی مریم نواز شریف نےکہا ہے کہ آپریشن کے بعد وزیراعظم کی طبیعت تیزی سے بہتر ہورہی ہے، جس پر سرجن بھی خوش ہیں، سرجن نےنواز شریف کی چھاتی سے دو ٹیوب نکال دیے ہیں۔
سماجی رابطوں کی ویب سائٹ پر مریم نواز نے بتایا ہے کہ وزیراعظم نواز شریف سے میری بات ہوئی ہے، والد کا گلا ٹیوب ڈالنے کی وجہ سے کچھ خراب ہے، وزیراعظم اگلے 24 گھنٹے آئی سی یو میں رہیں گے۔
میاں نواز شریف کے بیٹے حسن نواز نے کہا ہے کہ ڈاکٹرز نے آج وزیراعظم کو اٹھایا اور بٹھایا، وہ بات چیت کررہے ہیں، امید ہے کہ کل وزیراعظم کو کمرےمیں منتقل کردیا جائے گا۔
لندن میں موجود پنجاب کے وزیراعلیٰ میاں شہباز شریف نے کہا ہے کہ وزیراعظم نواز شریف آپریشن کے بعد روبصحت ہیں۔
مزید خبریں :
