پاکستان
10 جون ، 2016
10 جون ، 2016 
غریب کو انصاف کم ملتا ہے،گورنر پنجاب
10 جون ، 2016
گورنر پنجاب رفیق رجوانہ نے کہا ہے کہ غریب کو انصاف کم ملتا ہے انصاف کی فراہمی غریب افراد تک پہنچانا ضروری ہے ۔
ہائی کورٹ بار ملتان میں وکلاء کے خطاب کے دوران گورنر پنجاب رفیق رجوانہ نے کہا کہ جنوبی پنجاب کو با اختیار بنانے والی کمیٹی کا حصہ تھا ۔ کمیٹی نے فارمولا بھی تجویز کیا جس میں کہا گیا تھا کہ بڑے محکموں کے اسپیشل سیکرٹری کو ملتان میں تعینات کیا جائے جس پر مخالفت کا سامنا کرنا پڑا ۔
انہوں نے کہا کہ ساہیوال بنچ کی بات چیت چل رہی ہے ۔ جنوبی پنجاب میں بہت ٹیلنٹ ہے ۔ جنوبی پنجاب کے وہ افراد جو فیڈرل پبلک سروس کمیشن کے امتحان میں کامیاب ہوتے ہیں ان کے انٹرویوز ملتان میں لینے کے فیصلہ پر غور ہو رہا ہے ۔
