کمپیوٹر سافٹ ویئر بنانے والی مشہور کمپنی مائیکرو سافٹ نے پیشہ ورانہ نیٹ ورکنگ کی ویب سائٹ لنکڈ اِن خریدنے کا اعلان کیا ہے۔

مائیکرو سافٹ لنکڈ اِن کی خریداری کیلئے 26؍ ارب ڈالر ادا کرے گا اور کمپنی کے ایک شیئر کی ادائیگی کیلئے 196؍ ڈالر دیے جائیں گے۔

اس معاہدے سے مائیکرو سافٹ کی مصنوعات کی فروخت اور کاروبار میں اضافہ ہو گامائیکرو سافٹ کا کہنا ہے کہ لنکڈ اِن کا ’منفرد برینڈ اور غیر جانبداری‘ برقرار رہے گی۔

اس وقت دنیا بھر میں لنکڈ اِن کے صارفین کی تعداد 43؍ کروڑ سے زیادہ ہے۔لنکڈ اِن کی خریداری کے بعد اسے مائیکرو سافٹ کی مختلف مصنوعات جیسے آفس 365، آؤٹ لک کے ساتھ منسلک کیا جا سکتا ہے۔

مائیکرو سافٹ کے چیف آپریٹنگ آفیسر ستیا نڈیلا کا کہنا ہے کہ وہ بہت عرصے سے لنکڈ اِن کو پسند کرتے تھے، ’میں اس کے بارے میں کافی عرصے سے سوچ رہا تھا۔

معاہدے کے تحت لنکڈ اِن کے موجودہ چیف آپریٹنگ آفیسر جیف وائنر اپنے عہدے پر موجود رہیں گے اور وہ لنکڈ اِن کے چیئرمین ریڈ ہیوفمین مائیکرو سافٹ کے سربراہ کو رپورٹ کریں گے۔

لنکڈ اِن کے چیئرمین کا کہنا ہے کہ یہ اُن کی کمپنی کے اپنے آپ کو دوبارہ سے تشکیل دینے کا موقع ہے۔