21 جون ، 2016 
کراچی: ابوالحسن اصفہانی روڈ پر فائرنگ سے ڈاکٹر ہلاک
21 جون ، 2016
سچل تھانے کی حدود ابوالحسن اصفہانی روڈ پر واقع سکندر گوٹھ نزد بابری مسجد کے قریب قائم عبدالخالق نامی کلینک کے ڈاکٹر 55 سالہ عبدالخالق ولد بشیر احمد پرپیر کی شب نامعلوم ملزمان نے اندھادھندفائرنگ کردی اور فرار ہوگئے۔
نتیجے میں وہ شدید زخمی ہو گئے، انھیں قریبی واقع نجی اسپتال لے جایا جارہاتھا کہ وہ راستے میں زیادہ خون بہہ جانے کے نتیجے میں ہلاک ہوگئے۔
پولیس کے مطابق واقعہ کے وقت علاقے میں لوڈشیڈنگ تھی اور ایک کمرے کے کلینک کے ڈاکٹر قتل کی واردات سے قبل کلینک کے باہر کھڑے تھے کہ انہیں نشانا بنایا گیا۔
مقتول کوسر او ر جسم کے مختلف اوپری حصے پر گولیاں لگی ،جو جان لیوا ثابت ہوئیں۔پولیس نے جائے وقوعہ سے نائن ایم ایم پستول کے تین خول اپنی تحویل میں لیئے ہیں۔
پولیس کے مطابق معلوم ہوا ہے کہ مقتول ڈاکٹر کا تعلق قادیا نی کمیونٹی سے تھا اور وہ میڑوول تھرڈ بلاک ٹو کے رہائشی تھے۔ پولیس واقعہ کی مزید تفتیش کررہی ہے۔
مزید خبریں :
