18 جولائی ، 2016 
وسیم نے قندیل کا قتل مفتی عبدالقوی کے کہنے پر کیا، والدہ
18 جولائی ، 2016
غیرت کے نام پر قتل ہونے والی ماڈل گرل قندیل بلوچ کی والدہ نے الزام عائد کیا ہے کہ میرے بیٹے وسیم کو اکسایا گیا، اس نے قندیل کا قتل مفتی عبدالقوی کے کہنے پر کیا۔
قندیل بلوچ کی والدہ نے الزام عائد کیا ہے کہ قندیل کے قتل میں مفتی عبدالقوی کے علاوہ قندیل کا سابق شوہر عاشق حسین بھی ملوث ہے۔
قندیل بلوچ کی والدہ کا جیو نیوز سے گفتگو کرتے ہوئے کہنا ہے کہ وسیم قندیل بلوچ کے سابق شوہر عاشق حسین سے بھی رابطے میں تھا۔
قندیل کی والدہ کا یہ بھی کہنا ہے کہ پڑوسیوں کے مطابق قندیل بلوچ کے قتل کی رات ایک داڑھی والا شخص قندیل کے گھر کے باہر چکر کاٹ رہا تھا، کچھ دیر بعد وہ شخص قندیل کے گھر میں داخل ہو گیا۔
اس الزام کے بعد سی پی او ملتان اظہراکرم کا کہنا ہے کہ قندیل قتل کیس میں مفتی عبدالقوی کوبھی شامل تفتیش کرنےکا فیصلہ کر لیا ہے جبکہ ، قندیل کے بھائی اسلم سے بھی تفتیش کی جائے گی۔
مفتی عبد القوی کہتے ہیں کہ قتل کیس میں شامل تفتیش کرنا مضحکہ خیز ہے، پولیس نے مدد مانگی تو تعاون کے لیے تیار ہوں۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
