لاہور سمیت پنجاب بھر میں بلدیاتی اداروں کی مخصوص نشستوں پر انتخابات کے لیے پولنگ جاری ہے ،پہلےمرحلےمیں ضلع کونسلز،میونسپل کارپویشنزاور میٹروپولیٹن کارپوریشنز کی مخصوص نشستوں پر ووٹ ڈالے جا رہے ہیں۔

لاہور سمیت پنجاب میں ضلع کونسلز ، میونسپل اور میٹروپولیٹن کارپوریشنز کی مخصوص نشستوں پر پولنگ صبح 9 بجے شروع ہوئی جو شام 4 بجے تک جاری رہے گی ۔

انتخابات خواتین ، یوتھ ، مزدورں ، کسانوں اور اقلیتوں کی مخصوص نشستوں پر ہو رہے ہیں ،مخصوص نشستوں پر انتخابات تین مرحلوں میں ہو رہے ہیں ۔

دوسرے مرحلے میں پولنگ 17 نومبر کو ہو گی، جس میں میونسپل کمیٹیوں کی مخصوص نشستوں کے لیے ووٹ ڈالے جائیں گے،تیسرے مرحلے میں یونین کونسلوں کی مخصوص نشستوں کے لیےپولنگ 19 نومبر کو ہو گی۔