24 جون ، 2012 
کوئٹہ: فائرنگ سے آٹھ افراد کی ہلاکت کا مقدمہ درج
24 جون ، 2012
کوئٹہ ... کوئٹہ میں سریاب روڈ پر فائرنگ سے آٹھ افراد کی ہلاکت کا مقدمہ شالکوٹ تھانے میں نامعلوم افراد کے خلاف درج کرلیا گیا ہے۔گذشتہ روز سریاب روڈ پر نامعلوم افراد نے دھوبی کی دکان میں گھس کر فائرنگ کردی تھی جس سے 8 افراد جاں بحق اور ایک زخمی ہوگیا تھا۔ ایس پی سریاب سکندر ترین نے جیونیوز کو بتایا کہ واقعے کا مقدمہ مقتول امان اللہ کے بیٹے مہر اللہ کی مدعیت میں نامعلوم افراد کے خلاف شالکوٹ تھانے میں درج کیا گیا ہے۔ ایف آئی آر میں قتل ،اقدام قتل اور انسداد دہشت گردی کی دفعات لگائی گئی ہیں۔ پولیس نے واقعے کے بعد جگہ جگہ ناکا بندی کردی ہے اور سریاب ،شالکوٹ اور دیگر علاقوں میں چھاپے مارے جارہے ہیں۔ پولیس نے ایک مشکوک شخص کو اسلحہ سمیت گرفتار بھی کیا ہے جس سے تفتیش کی جارہی ہے۔
مزید خبریں :
