09 دسمبر ، 2016 
قسمت بیگ قتل،تمام ملزم گرفتار کر لیے: سی سی پی او لاہور
09 دسمبر ، 2016
احمدفراز...سی سی پی او لاہورکیپٹن امین نے کہا ہے کہ اسٹیج اداکارہ قسمت بیگ قتل کیس کے تمام ملزمان گرفتار کرلیے ہیں، فیصل آبادکے رانا مزمل نے ذاتی رنجش پر قسمت بیگ کو قتل کروایا۔
سی سی پی او لاہور کیپٹن ریٹائرڈ امین وینس نے پولیس لائنز قلعہ گجر سنگھ میں پریس کانفرنس کی، انہوں نے بتایا کہ مرکزی ملزم رانا مزمل نے 4 اجرتی قاتلوں کوقسمت بیگ کو شوبز سے ہٹانے اور اپاہج کرنے کیلئے گولیاں مارنے کا ٹارگٹ دیا، اجرتی قاتلوں نے پہلے مکمل ریکی کی اور پھر قسمت بیگ پر فائرنگ کر دی، زخمی قسمت بیگ اسپتال پہنچایا گیا جہاں وہ دم توڑ گئی۔
سی سی پی اولاہورنےبتایا کہ اجرتی قاتلوں حبیب الرحمان ، رضوان، عابدحسین اور اعظم کو بھی گرفتار کر لیا گیا ہے، میڈیا نے رانا مزمل سے واردات کےبارے میں دریافت کیا تو وہ صاف مکر گیا۔
سی سی پی او لاہور نے بتایا کہ چنبہ ہاؤس میں ہلاک ہونے والی مسلم لیگ ن کی کارکن سمیعہ چوہدری کی موت زیادہ نشہ استعمال کرنے سے ہوئی،جس کی فائنل لیب رپورٹ آ گئی ہے۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
2 گھنٹے پہلے
ملک کے آلودہ ترین شہروں میں سکھر سرفہرست رہا
3 گھنٹے پہلے
