پاکستان
12 دسمبر ، 2016
12 دسمبر ، 2016 
گاڑی کی کھمبے کو ٹکر، ٹرانسفارمر گرنے سے خاتون جاں بحق
12 دسمبر ، 2016
سیالکوٹ میں جشن عید میلاد النبی کےسلسلے میں ریلی کے دوران گاڑی بجلی کے کھمبے سے ٹکراگئی، جس سے ٹرانسفارمر زمین پر گر گیا، واقعے میں ایک خاتون جاں بحق اور تین بچوں سمیت 7افراد زخمی ہوگئے۔
ریسکیو ذرائع کےمطابق 12ربیع الاول پر حضرت محمد صلی اللہ علیہ وسلم کی ولادت کے سلسلے میں نکالی گئی ریلی اپنے مقررہ راستوں پر گامزن تھی، اس دوران صرافہ بازار میں ایک گاڑی بجلی کے کھمبے سے ٹکرا گئی، جس سے کھمبے پر لگا ٹرانسفارمر زمین پر گر گیا۔
ریلی میں شریک عمارہ نامی خاتون واقعے میں جاں بحق اور تین بچوں سمیت7افراد زخمی ہوگئے، زخمیوں کو ڈسٹرکٹ اسپتال منتقل کر دیا گیا ہے۔
