26 جون ، 2012 
گیلانی کی خالی نشست پر 14امیدواروں نے کاغذات جمع کرادیئے
26 جون ، 2012
ملتان… سابق وزیراعظم سید یوسف رضا گیلانی کے نااہلی کے بعد خالی ہونے والے نشست این اے 151 پر ان کے صاحبزادے سید عبدالقادر گیلانی سمیت 14 امیدواران نے کاغذات جمع کروا دئیے ہیں۔ الیکشن کمیشن آفس ملتان میں پاکستان پیپلز پارٹی کے امیدوار اور سابق وزیراعظم کے بڑے صاحبزادے سید عبدالقادر گیلانی اور علی حیدر گیلانی نے کاغذات جمع کروائے جبکہ مسلم لیگ (ن ) کی جانب سے ملک اسحاق بچہ ، ملک جہانزیب بچہ ، نواب متین الدین اور فرحان انصاری نے کاغذات جمع کروائے ۔ آزاد امیدواروں میں ملک شوکت بوسن ، ملک حسینین بوسن ، رانا محبوب عالم ، ڈاکٹر علیم چوہدری ، شہلا شاہین ایڈوکیٹ ، عابد یوسف جٹ اور حکیم شیخ غلام محی الدین نے اپنے اپنے کاغذات جمع کروائے ۔ الیکشن کمیشن آفس کی جانچ پڑتال کے بعد 6 جولائی کو امیدواران کی حتمی فہرست جاری کی جائے اور انتخابات 19 جولائی کو ہوں گے جس میں ساڑھے 3 لاکھ سے زائد ووٹرز اپنا حق رائے دہی استعمال کریں گے۔
مزید خبریں :
