02 جنوری ، 2017 
احتساب کیلئے قانون سازی پارلیمنٹ کیلئے چیلنج ہے،محمد زبیر
02 جنوری ، 2017
وزیر مملکت برائے نجکاری محمد زبیرنے کہا ہے کہ 2017ء میں حکومت کیلئے معاشی و ترقیاتی ایجنڈا بہت اہم ہے،احتساب کیلئے قانون سازی پارلیمنٹ کیلئے چیلنج ہے،دھرنا سیاست پیچھے چھوڑ دی،اس سال سیاسی ماحول سازگاررہے گا۔
جیو نیوز کے پروگرام”نیا پاکستان “ میں گفتگو کرتے ہوئےمحمد زبیر نے کہا کہ پاکستان کی خارجہ پالیسی کا بڑا چیلنج امریکا کے ساتھ تعلقات ہوں گے، ڈونلڈ ٹرمپ کی پالیسی کے بعد ہی پاک بھارت اورپاک افغان تعلقات کا تعین ہوگا۔انہوں نے کہا کہ 2016ء پاکستان کیلئے پچھلے کچھ برسوں میں بہتر سال رہا ہے،ہمارے سیکیورٹی، معاشی، سیاسی اور سول ملٹری تعلقات میں بہت بہتری آئی ہے۔
محمدزبیرنے کہا کہ دھرنا سیاست پیچھے چھوڑ دی، حکومت کیلئے معاشی و ترقیاتی ایجنڈا بہت اہم ہے، کرپشن ملک کیلئے بہت اہم ہے،احتساب کیلئے قانون سازی پارلیمنٹ کیلئے چیلنج ہے،اس سال سیاسی ماحول سازگار رہے گا۔
مزید خبریں :
