10 فروری ، 2017 
آسٹریلیا کے سینیٹر کا ٹرمپ کے خلاف غصے کا انوکھا اظہار
10 فروری ، 2017
آسٹریلیا امریکا کا پائدان نہیں ہے۔ صدر ٹرمپ پر یہ پیغام واضح کرنے کے لیے آسٹریلیا کے ایک سینیٹر نے انوکھا طریقہ اپنایا۔ ایک پریس کانفرنس میں باقاعدہ ڈونلڈ ٹرمپ کی تصویر سے آویزاں پائدان کی رونمائی کر ڈالی۔
آسٹریلوی سینیٹر نک زینو فون نے کہا کہ یہ پائدان صدر ٹرمپ کو بتانے کے لیے ہے کہ اگرچہ آسٹریلیا، امریکا کا سب سے بڑا اتحادی اور دوست ہے لیکن خارجہ پالیسی معاملات میں آسٹریلیا، امریکا کا پائدان نہیں ہے یعنی امریکہ خطے میں اپنی خارجہ پالیسی آگے بڑھانے کے لیے آسٹریلیا کو پائدان کی طرح استعمال نہیں کر سکتا۔
سینیٹر نک زینوفون کی جانب سے یہ ردعمل گزشتہ ماہ کی اُس فون کال کے نتیجے میں سامنے آیا جس میں صدر ٹرمپ نے آسٹریلوی وزیر اعظم میلکم ٹرن بُل کے ساتھ سختی اور کرختگی سے بات کی تھی اور ٹرمپ کے اُس غیر سفارتی طرز عمل پر آسٹریلیا میں خاصہ غصہ پایا جاتا ہے۔
مزید خبریں :
سعودی عرب نے کابل میں دوبارہ اپنے سفارتی مشن کا آغاز کردیا
23 دسمبر ، 2024
ترک وزیر خارجہ کا شام کا دورہ، محمد الشرع سے ملاقات کی
22 دسمبر ، 2024
