کراچی… کراچی کے مختلف علاقوں میں نامعلوم ملزمان کی فائرنگ سے پولیس اہلکار سمیت چار افراد ہلاک ہوگئے۔ پولیس کے مطابق گلبہار کے علاقے پیتل گلی میں نامعلوم ملزمان نے فائرنگ کرکے ایک شخص کو قتل کردیا، تھانہ رضویہ سوسائٹی پولیس نے بتایا کہ مقتول پولیس اہلکار تھا ،جس کی شناخت گلزار کے نام سے ہوئی ہے،اور ابتدائی تفتیش کے مطابق واقعہ ٹارگٹ کلنگ کا نتیجہ لگتا ہے،تاہم ملزمان کا سراغ لگانے کی کوشیش شروع کردی گئیں ہیں ،دوسری جانب قائد آباد کے علاقے میں نفسیاتی اسپتال کے قریب ڈکیتی مزاحمت کے دوران فائرنگ سے ایک شخص ہلاک ہوگیا،مقتول کی شناخت 32 سالہ زاھد کے نام سے ہوئی ہے،پولیس کا کہنا ہے کہ مسلح ملزمان واردت کے بعد فرار ہوگئے۔۔نارتھ ناظم آباد کے علاقے میں مسلح ملزمان نے فائرنگ کرکے ایک شخص کو زخمی بھی کردیا، جبکہ میٹروول سائٹ میں فائرنگ سے ایک شخص ہلاک ہوگیا۔ذرائع کے مطابق مقتول تاجر ہے جسے بھتہ نہ دینے پر قتل کیا گیا۔ ادھر اورنگی نمبر 14 میں فائرنگ سے ایک شخص ہلاک ہوگیا جس کی لاش ضابطہ کی کارروائی کے لئے اسپتال منتقل کردی گئی۔=