29 اپریل ، 2025 
بھارتی دھمکیوں کے جواب میں حکومت اورپی ٹی آئی ایک صفحے پر آگئی
29 اپریل ، 2025
پہلگام حملے کے بعد بھارتی دھمکیوں کے جواب میں حکومت اورپی ٹی آئی ایک صفحے پر آگئی۔
پاکستان تحریک انصاف نے سینیٹ میں بھارتی اقدامات کی بھرپور مذمت کرتے ہوئے حکومت سے آل پارٹیزکانفرنس بلانے کا مطالبہ کر دیا۔
پی ٹی آئی رہنما شبلی فراز نے کہا کہ پاکستان کے دفاع کے لیے ہم ایک ہیں،حکومت نے بھارت کو ہومیوپیتھک پیغام دیا،سخت پیغام دینا چاہیے۔
مسلم لیگ ن کے سینیٹر عرفان صدیقی نے کہا عالمی برادری نے بھارت کے جھوٹ کا ساتھ نہیں دیا ،پہلگام حملے میں لگتا ہے ایف آئی آرپہلے کٹی ،حملہ بعد میں ہوا۔
پی ٹی آئی کے سینیٹر علی ظفر نے کہاکہ لوگ اس ڈرامے کا اسکرپٹ جانتے ہیں ، مودی سرکار نے پاکستان کے پانی کا ایک قطرہ بھی موڑا تو دشمن کا حملہ سمجھیں گے۔
اس کے علاوہ سینیٹر فیصل واوڈا نے اے پی سی بلانے کی حمایت کرتے ہوئے کہا کہ اس وقت دشمن کو قومی یکجہتی دکھانے کا وقت ہے ، بھارتی اقدامات کا بھرپور جواب جائے گا۔
