13 جولائی ، 2012 
جمہوریت، جمہوری اداروں اور پاکستان پر یقین رکھتے ہیں، اسلم رئیسانی
13 جولائی ، 2012
کوئٹہ … وزیر اعلیٰ بلوچستان نواب محمد اسلم رئیسانی نے کہا ہے کہ ہم جمہوریت، جمہوری اداروں اور پاکستان پر یقین رکھنے والے لوگ ہیں اور اچھی طرح سمجھتے ہیں کہ جلسے، جلوسوں میں آزاد بلوچستان، سندھو دیش اور آزاد پشتونستان جیسے نعرے کوئی اہمیت نہیں رکھتے۔ یہ بات وزیر اعلیٰ بلوچستان نواب اسلم رئیسانی نے وزیر اعظم راجا پرویز اشرف کے صوبائی کابینہ سے خطاب کے موقع پر کہی۔ انہوں نے کہا کہ ہم نے پارلیمنٹ، عدلیہ اور تمام اداروں کو مضبوط بنانا ہے اور ملک میں محاذ آرائی کی سیاست نہیں ہونی چاہئے اور تمام سیاسی قوتوں کو مل بیٹھ کر عوامی مسائل کے حل کا طریقہ کار تلاش کرنا چاہئے۔ نواب اسلم رئیسانی نے اس یقین کا بھی اظہار کیا کہ سپریم کیورٹ نے 25 جولائی کی جو ڈید لائن دی ہے ایک بہتر سیاسی حکمت عملی اختیار کر کے حکومت اس سے سرخرو ہو کر نکل سکتی ہے۔ انہوں نے کہا کہ راجا پرویز اشرف بطور وزیراعظم پہلی بار بلوچستان آئے ہیں اور ہماری دعا ہے کہ وہ وزیراعظم کے طور پر بار بار بلوچستان آئیں۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
