30 جنوری ، 2018 
پاکستان
رینجرز اہلکار عبدالرؤف چھٹیوں پر تھے—جیو نیوز۔
کراچی میں ڈکیتی کے دوران فائرنگ، رینجرز اہلکار شہید
30 جنوری ، 2018
کراچی میں ڈکیتی کے دوران مزاحمت پر فائرنگ کے نتیجے میں موٹر سائیکل پر سوار رینجرز اہلکار شہید جبکہ پولیس اہلکار زخمی ہوگیا۔
یہ واقعہ کراچی کے علاقے لانڈھی 89 میں رات پونے 10 بجے پیش آیا جس کے دوران فائرنگ کرنے والے دونوں ملزمان گرفتار ہوگئے جبکہ ان سے اسلحہ بھی برآمد کرلیا گیا۔
ترجمان رینجرز کے مطابق عبدالرؤف اپنے دوست سپاہی عمرواحد کےساتھ جا رہا تھا کہ واقعہ پیش آیا۔ رینجرز اہلکار کو اسپتال منتقل کیا جارہا تھا کہ وہ راستے میں شہید ہوگئے۔
انہوں نے بتایا کہ سپاہی عبدالرؤف لانڈھی کے رہائشی ہیں جو چھٹیوں پر تھے، ان کی میت کارروائی کے بعد آبائی علاقے بھیجی جائے گی۔
ترجمان کا مزید کہنا تھا کہ گرفتار کی گئے ملزمان میں عمران اور شبیر شامل ہیں۔
