05 جون ، 2018 
پاکستان
مسافر وین پشاور سے ڈیرہ اسماعیل خان جا رہی تھی کہ گیس لیک ہونے سے اس میں آگ لگ گئی—۔ جیو نیوز اسکرین گریب
ریسکیو اہلکار جاں بحق اور زخمی ہونے والوں کو ایمبولینس میں منتقل کرتے ہوئے—۔ جیو نیوز اسکرین گریب
کوہاٹ: مسافر وین میں آگ لگنے سے 6 افراد جاں بحق
05 جون ، 2018
کوہاٹ: صوبہ خیبرپختونخوا کے شہر کوہاٹ میں مسافر وین میں آگ لگنے سے 6 افراد جاں بحق جبکہ 8 زخمی ہوگئے۔
پولیس کے مطابق مسافر وین پشاور سے ڈیرہ اسماعیل خان جا رہی تھی کہ خواصی بانڈہ کے قریب گیس لیک ہونے سے اس میں آگ لگ گئی۔
پولیس کے مطابق وین میں 12 مسافر سوار تھے، جن میں سے 6 جاں بحق ہوگئے جبکہ 6 افراد زخمی ہوئے، جنہیں اسپتال منتقل کردیا گیا۔
آگ لگی وین کی مخالف سمت سے آنے والے ٹرک سے ٹکر بھی ہوئی، جس کے نتیجے میں ٹرک میں سوار 2 افراد بھی زخمی ہوئے، انہیں بھی اسپتال منتقل کردیا گیا۔
حادثے کے باعث انڈس ہائی وے بند ہوگیا اور ٹریفک معطل کردیا گیا۔
