06 جولائی ، 2018 
پاکستان
گاڑی روسی سفارت خانے کے تھرڈ سیکریٹری ایلگزینڈر کی ہے جسے گاڑی سمیت تھانہ کوہسار منتقل کردیا گیا، پولیس حکام—جیو نیوز اسکرین گریب۔
روسی سفارت خانے کی گاڑی کی ٹکر سے تین افراد زخمی
06 جولائی ، 2018
اسلام آباد: روسی سفارت خانے کی گاڑی کی ٹکر سے میاں، بیوی اور بچی سمیت تین افراد زخمی ہوگئے۔
پولیس حکام کے مطابق یہ حادثہ مارگلہ روڈ پر پیش آیا جس کے نتیجے میں موٹر سائیکل پر سوار فیملی زخمی ہوگئی۔
حکام نے بتایا کہ گاڑی روسی سفارت خانے کے تھرڈ سیکریٹری ایلگزینڈر کی ہے جسے گاڑی سمیت تھانہ کوہسار منتقل کردیا گیا۔
زخمیوں کو پی اےایف اسپتال منتقل کردیا گیا جہاں انہیں طبی امداد دی جارہی ہے۔
خیال رہے کہ رواں سال اپریل میں اسلام آباد کے علاقے دامن کوہ کے قریب امریکی ملٹری اتاشی کرنل جوزف نے سگنل توڑتے ہوئے موٹر سائیکل پر سوار دو افراد کو روند دیا تھا۔
امریکی اہلکار کی گاڑی کی ٹکر سے عتیق بیگ نامی نوجوان جاں بحق اور اس کا کزن شدید زخمی ہوگیا تھا۔
