قصور کے بعد اوکاڑہ میں بھی لڑکوں سے بدفعلی کے واقعات کا انکشاف

قصور کے بعد اوکاڑہ کے نزدیک رینالہ خورد میں بھی لڑکوں کے ساتھ بدفعلی کے واقعات کا انکشاف ہوا ہے۔

مقامی بااثر شخص نے بیٹے کی جانب سے ضلع اوکاڑہ کے تحصیل ہیڈ کوارٹر رینالہ خورد کے قریب دو دیہات میں درجن بھر بچوں کو بدفعلی کا نشانہ بنانے کا انکشاف ہوا ہے۔

رینالہ خورد میں درندگی کا نشانہ بننے والے نویں جماعت کے دو طالبعلم سامنے آگئے ہیں۔

متاثرہ بچوں کے والدین کا کہنا ہے کہ ملزم نے بچوں کے ساتھ بدفعلی کی ویڈیو اور تصاویر بھی بنائیں۔

کمسن زینب سے زیادتی اور قتل کے مجرم عمران کو پھانسی دے دی گئی

مجرم عمران کو کوٹ لکھپت سینٹرل جیل میں مجسٹریٹ عادل سرور اور زینب کے والد محمد امین کی موجودگی میں پھانسی دی گئی، میت ورثاء کے حوالے

پولیس نے بچے کے والد کی مدعیت میں مقدمہ درج کر کے ملزم اسد کو گرفتار کر لیا۔

دوسری جانب بچوں کے والدین کا کہنا ہے کہ ملزم کا والد بااثر شخص ہے اور صلح کے لیے دباؤ ڈالا جا رہا ہے تاہم تھانہ سٹی رینالہ خورد نے اس حوالے سے موقف دینے سے گریز کیا ہے۔

خیال رہے کہ چند روز قبل ہی قصور کی کم سن زینب سمیت متعدد بچیوں کے ساتھ زیادتی کے مجرم عمران کو لاہور کی کوٹ لکھپت جیل میں سزائے موت دی گئی تھی۔