کراچی کے علاقے کورنگی میں اسکول وین میں آگ لگ گئی، ڈرائیور معمولی زخمی

کراچی کے علاقے کورنگی زمان ٹاؤن کلو چوک کے قریب اسکول وین میں آگ لگ گئی، حادثے میں تمام بچے محفوظ رہے، تاہم ڈرائیور کے معمولی زخمی ہونے کی اطلاعات ہیں۔

ایس ایس پی کورنگی علی رضا کے مطابق قریب کھڑی ایک پولیس موبائل میں موجود اہلکاروں نے اسکول وین کے بچوں کو ریسکیو کیا اور پولیس موبائل نے ہی تمام بچوں کو گھر پہنچایا۔ 

کراچی: اورنگی ٹاؤن میں اسکول وین میں آگ لگنے سے 8 بچے جھلس کر زخمی

اسکول وین میں آگ مبینہ طور پر شارٹ سرکٹ کے باعث لگی، زخمی بچوں کو طبی امداد کے لیے اسپتال منتقل کردیا گیا۔

انہوں نے مزید بتایا کہ اسکول وین کو آگ پیچھے کے حصے میں لگی جبکہ اسکول وین میں سلینڈر موجود نہیں تھا۔

دوسری جانب ریسکیو ذرائع کے مطابق واقعے کی اطلاع ملتے ہی ریسکیو ٹیمیں آگ بجھانے کے لیے جائے وقوع پر پہنچیں اور اسکول وین میں لگی آگ کو بجھادیا گیا۔

ذرائع کے مطابق آگ بجھانے کے دوران ڈرائیور معمولی زخمی ہوا۔

واضح رہے کہ رواں ماہ 5 جنوری کو بھی کراچی کے علاقے اورنگی ٹاؤن میں قطر اسپتال کے قریب ایک اسکول وین میں آگ لگنے کے نتیجے میں 8 بچے جھلس کر زخمی ہوگئے تھے۔

کراچی میں اسکول و کالج وین ڈرائیورز کی ایک بار پھر ہڑتال، طلبا رل گئے

آج طلبہ کو پک اینڈ ڈراپ فراہم نہیں کر رہے، جب تک مطالبات پورے نہیں ہوتے اس وقت تک ہڑتال جاری رہے گی، اسکول اینڈ کالجز وین ایسوسی ایشن

اس واقعےکے بعد وزیر ٹرانسپورٹ سندھ اویس قادر شاہ نے تمام اسکول وینز کی فٹنس چیک کرنے کی ہدایت کی تھی۔

ترجمان وزیر ٹرانسپورٹ کی جانب سے جاری کیے گئے بیان میں کہا گیا تھا کہ جو اسکول وین چلنے کے قابل نہیں، اُس کا پرمٹ منسوخ کیا جائے۔

دوسری جانب شہر بھر میں گیس سلنڈر لگی اسکول وین چلانے پر پابندی عائد کردی گئی تھی، جس کے خلاف آل کراچی اسکول اینڈ کالجز وین ایسوسی ایشن کی جانب سے ہڑتال بھی کی گئی۔