08 اگست ، 2012 
جسٹس خواجہ شریف قتل سازش کیس: نامزد ملزمان کی حفاظتی ضمانتیں منظور
08 اگست ، 2012
لاہور … لاہورہائی کورٹ نے چیف جسٹس خواجہ شریف قتل سازش کیس میں نامزد 3 انٹیلی جنس افسروں کی 23 اگست تک حفاظتی ضمانتیں منظور کرلیں اور انہیں حکم دیا کہ ضمانتوں میں توسیع کیلئے مجاز عدالت سے رجوع کیا جائے۔ لاہور ہائی کورٹ کے روبرو چیف جسٹس خواجہ شریف قتل سازش کیس کے مقدمے میں ملوث ملزموں شاہد، اعظم اور اعجازکی درخواست ضمانتوں کی سماعت ہوئی، ملزموں کے وکیل اعظم نذیر تارڑ نے موٴقف اختیار کیا کہ عدالتی کمیشن نے درخواست گزاروں کے خلاف صرف محکمانہ کارروائی کا حکم دیا تھا مگر مرکز اور صوبے کی حکومتوں کی سیاسی محاذ آرائی کی وجہ سے انہیں انتقامی کارروائی کا نشانہ بنایا جا رہا ہے، خدشہ ہے کہ انہیں اس کیس میں گرفتار کرلیا جائے گا۔ عدالت نے تینوں ملزموں کی 23اگست تک حفاظتی ضمانتیں منظور کرتے ہوئے انہیں ضمانتوں میں توسیع کیلئے مجاز عدالت سے رجوع کرنے کی ہدایت کر دی۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
