28 مارچ ، 2020 
صرف 5 منٹ میں کورونا ٹیسٹ کرنے والی ڈیوائس تیار
28 مارچ ، 2020
دنیا بھر میں حملہ کرنے والے خطرناک کورونا وائرس کی تشخیص کے لیے امریکا نے صرف 5 منٹ میں کورونا ٹیسٹ ڈیوائس تیار کر لی۔
ایبٹ لیبارٹریز کا کہنا ہے کہ امریکی فوڈ اینڈ ڈرگ ایڈ منسٹریشن نے اسے ہنگامی طور پر ڈیوائس تیار کرنے کی اجازت دے دی ہے اور آئندہ ہفتے سے یہ ڈیوائس امریکا میں ٹیسٹ کے لیے اسپتالوں کو ملنا شروع ہو جائے گی۔
اس چھوٹے ٹوئسٹر سائز کی ڈیوائس میں molecular technology استعمال کی گئی ہے۔ ڈیوائس منفی نتائج صرف 13 منٹ میں بتا سکتی ہے اور اسے با آسانی کہیں بھی لے جا یا جا سکتا ہے۔
کمپنی کا کہنا ہے کہ ایف ڈی اے نے ڈیوائس کے نتائج کو تسلیم نہیں کیا اس لیے اسے صرف منظور شدہ لیب اور اسپتالوں میں ہنگامی صورتحال میں استعمال کرنے کی اجازت ہو گی۔
دوسری جانب دو روز قبل برطانیہ نے بھی وائرس کی تشخیص کے لیے فنگر پرک ٹیسٹنگ کٹ تیار کرنے کا اعلان کیا تھا جس کا تجربہ کر کے آئندہ ہفتے تک آن لائن دستیاب کر دیا جائے گا۔
دنیا بھر میں کورونا وائرس کی صورتحال
کورونا وائرس چین کے بعد امریکا اور برطانیہ سمیت دنیا کے 199 ممالک تک پھیل چکا ہے جس کے باعث متاثرین کی تعداد ساڑھے 5 لاکھ سے تجاوز کرگئی ہے جب کہ 27 ہزار سے زائد افراد ہلاک ہو چکے ہیں۔
کورونا وائرس کے توڑ کے لیے طبی ماہرین ویکسین تیار کرنے کی سر توڑ کوشش کر رہے ہیں لیکن تاحال اس میں کامیابی حاصل نہیں کی جا سکی ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
