01 ستمبر ، 2012 
فتح کی بنیاد ناصر جمشید نے رکھی،سعید اجمل موٴثر ہتھیار ہے،مصباح
01 ستمبر ، 2012
ابو ظہبی… پاکستان کرکٹ ٹیم کے کپتان مصباح الحق نے کہا ہے کہ آسٹریلیا کے خلاف فتح کی بنیاد ناصر جمشید نے رکھی جبکہ سعید اجمل نے بھی اچھی بولنگ کرائی جو ہمارا موٴثر ہتھیار ہے۔ آسٹریلیا کے خلاف 7وکٹوں سے فتح حاصل کرنے کے بعد میڈیا سے گفتگو کرتے ہوئے انہوں نے کہا کہ اس جیت نے ہمارا حوصلہ بڑھایا ہے اب آخری میچ میں فتح حاصل کرکے سیریز جیتنے کے لیے پر امید ہیں۔ مصباح نے کہا کہ ہدف کا تعاقب ہمارے لیے کبھی آسان نہیں رہا لیکن ناصر جمشید اور محمد حفیظ نے اچھا اسٹارٹ دیا، جیت میں ہر کھلاڑی نے اپنا کردار ادا کیا۔ انہوں نے کہا کہ ناصرجمشید کیلئے گرمی میں کھیلنا آسان نہیں تھا،میں نے صرف 7،8 اوور کھیلے لیکن گرمی نے مجھے بے حال کردیا، تاہم ناصر جمشید اور اظہر علی جس طرح کھیلے وہ ہمارے لیے حوصلہ افزا ہے۔
