Can't connect right now! retry

کھیل
26 مئی ، 2020

کورونا کی وجہ سے کرکٹ میں روایات کی تبدیلی قبول کرنا پڑے گی: عابد علی

عابد علی: فوٹو، جیونیوز

 ٹیسٹ ڈیبیو پر سنچری اسکور کرنے والے اوپننگ بیٹسمین عابد علی کا کہنا ہے کہ کورونا وائرس کے باعث کرکٹ میں روایات اور قوانین کی تبدیلی کو قبول کرنا پڑے گا لیکن وہ سینچری بنا کر گلے ملنے اور بالروں کو روایتی انداز میں مبارکباد دینے کو مس کریں گے۔

3 ٹیسٹ اور 4 ون ڈے میچز میں پاکستان کی نمائندگی کرنے والے 32 سالہ عابد علی کا کہنا ہے کہ کورونا وائرس کی وجہ سے اب سب کچھ بدلا بدلا سا ہے، زندگی تبدیل ہو رہی ہے ، قوانین اور روایات بھی بدل رہی ہیں اور اس کے اثرات اب کھیلوں کے میدانوں میں بھی دیکھنے کو مل رہے ہیں، ہمیں احتیاطی تدابیر پر عمل کرنا ہے کیونکہ اس کے علاوہ کوئی چارہ نہیں ہے، ہدایات پر عمل کر کے ہی کھیلوں کی سرگرمیاں شروع کی جا سکتی ہیں۔

انہوں نےکہا کہ سینچری بنانے کے بعد گلے ملنے کو مس کروں گا لیکن خوشی اس بات کی ہے کہ میں اللہ کا شکر ادا کرسکوں گا، مجھے بہت اچھا لگتا ہے جب کوئی سینچری بناتا ہے یا وکٹ لیتا ہے تو مجھے بھرپور انداز میں مباکباد دینا اچھا لگتا ہے۔

ان کا کہنا تھا کہ گلے ملنا، ہاتھ پر ہاتھ مارنا اور سروں میں ہاتھ پھیرنا، اب یہ سب کچھ نہیں ہو سکے گا  جو میں بہت مس کروں گا لیکن ہم سب ایک دوسرے کو اب دور دور سے ہی مبارکباد دیں گے۔

عابد علی نے مزید کہا کہ تماشائیوں کے اسٹیدیم میں نہ ہونے سے مجھے بہت مایوسی ہو گی، تماشائیوں کے گراؤنڈ میں ہونے سے بڑی حوصلہ افزائی ملتی ہے، کارکردگی میں بھی بہتری آتی ہے۔

ان کا کہنا تھا کہ مجھے یاد ہے جب میں نے ڈیبیو سینچری بنائی تو اسٹیڈیم تماشائیوں سے بھرا ہوا تھا اس کا اپنا مزہ ہے، میں وہ ماحول شاید کبھی نہیں بھلا سکوں گا لیکن بند دروازوں میں کرکٹ کی سرگرمیاں تو شروع ہوں گی جوکہ بہت ضروری ہے، شائقین ٹی وی پر کھیل سے لطف اندوز ہو سکیں گے ۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM