20 نومبر ، 2020 
گلگت انتخابات میں کامیاب ایک اور آزاد امیدوار پی ٹی آئی میں شامل، تعداد 15 ہوگئی
20 نومبر ، 2020
گلگت بلتستان کی قانون ساز اسمبلی کے حلقے جی بی 15 دیامر سے کامیاب ہونے والے آزاد امیدوار حاجی شاہ بیگ بھی پاکستان تحریک انصاف (پی ٹی آئی) میں شامل ہوگئے۔
آزاد امیدوار حاجی شاہ بیگ نے اپنے حلقے میں تحریک انصاف اور پیپلزپارٹی کے ہی امیدواروں کو شکست دی ہے تاہم وہ آج پی ٹی آئی میں شامل ہوگئے ہیں۔
حاجی شاہ بیگ نے وفاقی وزیر امور کشمیر و گلگت بلتستان علی امین گنڈا پور اور تحریک انصاف کے چیف آرگنائزر سیف اللہ خان نیازی سے ملاقات کی اور پاکستان تحریک انصاف میں شمولیت کا باضابطہ اعلان کیا۔
حاجی شاہ بیگ کے آنے کے بعد پی ٹی آئی میں شامل ہونے والے آزاد ارکان کی تعداد 6 ہو گئی جس کے بعد جی بی اسمبلی میں تحریک انصاف کے ارکان کی مجموعی تعداد 15 ہوگئی ہے۔
اس سے قبل جی بی اے 2 گلگت 2 پر فتح اللہ خان کی کامیابی کے بعد گلگت بلتستان میں پی ٹی آئی کی نشستوں کی تعداد 9 ہو گئی ہے۔
15 ارکان کی حمایت حاصل ہونے کے بعد تحریک انصاف کو گلگت بلتستان میں حکومت بنانے کیلئے سادہ اکثریت حاصل ہوگئی ہے۔
مزید خبریں :
شیخ رشید صدر زرداری کے قتل کی سازش کے کیس سے بری
2 گھنٹے پہلے
