18 دسمبر ، 2020 
پاکستان
بھارت پاکستان میں سرجیکل اسٹرائیک کی تیاری کررہا ہے، شاہ محمود قریشی
18 دسمبر ، 2020
وزیرخارجہ شاہ محمود قریشی کا کہنا ہے کہ بھارت پاکستان میں سرجیکل اسٹرائیک کی تیاری کررہا ہے۔
ابوظبی میں پریس کانفرنس کرتے ہوئے شاہ محمود قریشی نے کہا کہ بھارت پاکستان میں دہشتگردی کو ہوا دینے کی کوشش کررہا ہے، ڈس انفولیب رپورٹ نے بھارت کی سازشوں کا پردہ چاک کیا۔
وزیرخارجہ نے مزید کہا کہ بھارت اپنے اندرونی مسائل سے توجہ ہٹانے کے لیے خطرناک کھیل کھیلنا چاہتا ہے، مقبوضہ کشمیرمیں حالات انتہائی سنگین صورتحال اختیار کر چکے ہیں، بھارت کی سازشوں سے آگاہ ہیں، بھارت نے فوجی کارروائی کی تو بھرپور جواب دینگے۔
