02 مارچ ، 2021 
پاکستان
اپوزیشن پیسہ لگائےگی لالچ بھی دے گی لیکن حفیظ شیخ ہی جیتیں گے، وزیراعظم
02 مارچ ، 2021
وزیراعظم عمران خان نے کہا ہے کہ اپوزیشن جماعتیں سینیٹ الیکشن جیتنے کیلئے ہر حربہ استعمال کررہی ہیں۔
وزیراعظم نے کہا کہ وہ اسی لیے اوپن بیلٹ کے حامی تھے ، کرپٹ ٹولا یہاں آبیٹھا ہے، ان کی کرپشن کی داستانیں عوام جانتے ہیں، حکومتی اراکین کو خط لکھے جارہے ہیں، رابطے ہورہے ہیں مگر ہم متحد ہیں۔
وزیراعظم عمران خان نے وزیراعلیٰ پنجاب عثمان بزدار اور وزیر خزانہ حفیظ شیخ سے گفتگو میں کہا کہ اپوزیشن پیسہ لگائےگی لالچ بھی دے گی مگر معرکہ حفیظ شیخ ہی جیتیں گے۔
انہوں نے کہا کہ پنجاب میں افہام وتفہیم سے سینیٹ کی نشستوں کا معاملہ حل ہونا خوش آئند ہے۔
