ویکسین کی خریداری کیلئے کسی صوبے پر کوئی پابندی نہیں، معاون خصوصی

وزیراعظم عمران خان کے معاون خصوصی برائے صحت ڈاکٹر فیصل سلطان نے کہا ہے کہ وفاقی حکومت نے کورونا ویکسین خریدلی ہے۔

اپنی ٹوئٹ میں ڈاکٹر فیصل سلطان کا کہنا تھاکہ وفاقی حکومت تمام پاکستانیوں کیلئے کورونا ویکسین کی خریداری جاری رکھے گی۔

انہوں نے کہا کہ ویکسین کی خریداری کیلئے کسی صوبائی حکومت کو این او سی کی ضرورت نہیں، اور نہ ہی کسی صوبے پر ویکسین کی خریداری پر پابندی ہے۔

ان کا کہنا تھاکہ صوبے اگر ویکسین خریدنا چاہیں تو تعاون کیا جائے گا۔