07 مئی ، 2021
وزیراعظم عمران خان کا کہنا ہے کہ دنیا کی مشہور آن لائن ریٹیل کمپنی ایمازون کی جانب سے پاکستانی تاجروں کو اشیاء کی درآمد کی اجازت دینا بڑی پیشرفت ہے۔
سوشل میڈیا پر جاری اپنے بیان میں وزیراعظم عمران خان کا کہنا تھا ایک بڑی پیشرفت یہ ہےکہ ایمازون نے بالآخر ہمارے تاجروں کو اپنے نظام کے ذریعے اشیاء کی برآمد کی منظوری دے دی ہے۔
ان کا کہنا تھا کہ پاکستان میں ایمازون کی سرگرمیوں کے آغاز سے ہمارے نوجوانوں کو مواقع میسر آئیں گے کیونکہ یہ نوجوان سرمایہ کاروں (مرد و خواتین) کی نئی نسل کو برآمدی منڈی میں قدم رکھنے کے قابل بنائیں گی۔
خیال رہے کہ گزشتہ روز وزیراعظم عمران خان کے معاون خصوصی شہباز گل کی جانب سے آگاہ کیا گیا تھا کہ ایمازون نے پاکستان کو اپنی سیلر لسٹ میں شامل کر لیا ہے۔