03 مئی ، 2024 
پاکستان
اجلاس میں زیرِالتوا قانونی مقدمات فعال طور پر آگے بڑھانے کی حکمت عملی پر غور کیا گیا— فوٹو: ایف بی آر
وزیر خزانہ کی زیرِصدارت ایف بی آر ہیڈکوارٹرز میں اجلاس، ادارے کی کارکردگی کا جائزہ لیا گیا
03 مئی ، 2024
وزیر خزانہ محمد اورنگ زیب کی زیرِصدارت ایف بی آر ہیڈکوارٹرز میں اجلاس ہوا جس میں محصولات وصولی پر ایف بی آر کی کارکردگی کا جائزہ لیا گیا۔
اجلاس میں زیرِالتوا قانونی مقدمات فعال طور پر آگے بڑھانے کی حکمت عملی پر بھی غور کیا گیا۔
چیئرمین ایف بی آر نے کارکردگی بہتر بنانے کے لیے ڈیجیٹلائزیشن کے اقدامات کے بارے میں بتایا، اجلاس میں کمشنر اپیل انکم ٹیکس دفاتر ختم کرنے کا جائزہ لیا گیا۔
وزیر خزانہ کی زیر صدات اجلاس میں مختلف عدالتوں میں 2 ہزار 700 ارب کے زیرِ التوا مقدمات کا فیصلہ کروانے کی حکمتِ عملی پر بھی غور کیا گیا۔
ایف بی آر افسران کا مؤقف ہے کہ زیرِ التوا مقدمات میں رقم کی مالیت 250 ارب روپے سے زیادہ نہیں۔
